14 мамыр күні «Тұран Лицейі» мектебінде оқушылар мен қызметкерлердің төтенше жағдай кезіндегі іс-әрекеттерін пысықтауға бағытталған жоспарлы сейсмикалық жаттығу өткізілді.
Іс-шараның негізгі мақсаты – ықтимал жер сілкінісі жағдайына дайындық деңгейін арттыру, сондай-ақ төтенше жағдайлар кезінде дұрыс әрі қауіпсіз әрекет ету дағдыларын бекіту болды. Жаттығу барысында хабарлау жүйесі ұйымдастырылып, оқушылар мен мектеп қызметкерлерін эвакуациялау жүргізілді. Сонымен қатар қауіпсіздік ережелерінің сақталуы мен эвакуация кезіндегі іс-әрекеттердің үйлесімділігі тексерілді. Ерекше назар тәртіпке, ұйымшылдыққа және нұсқаулықтарды дәл орындауға аударылды.
Сейсмикалық жаттығу сәтті әрі жоғары деңгейде ұйымдастырылды. Оқушылар мен мектеп қызметкерлері жауапкершілік, тәртіптілік және төтенше жағдайлар кезіндегі әрекет алгоритмін жақсы меңгергендерін көрсетті.
