15 сәуір күні 5–11 сынып оқушылары үшін «ОСК Тау-Тұрандағы Наурыз» атты көшпелі іс-шара өтті. Бұл күн қатысушыларға жарқын әсер сыйлап, мазмұнды әрі шынайы мерекелік көңіл күймен есте қалды.
Іс-шара барысында оқушылар шығармашылық және ойын станциялары бойынша қызықты саяхатқа шығып, өз білімдерін, тапқырлықтарын және топта жұмыс істеу қабілеттерін көрсетті. Ерекше қызығушылық үстел теннисі, баскетбол, футбол және волейбол бойынша спорттық турнирлерге ауды. Бұл жарыстар қатысушыларға күш-қуат беріп қана қоймай, денсаулықты нығайтып, командалық рухты дамытуға ықпал етті.
Мерекенің шынайы көркі қазақ, орыс және ағылшын тілдерінде өткен ән байқауы болды. Оқушылар өздерінің шығармашылық қабілеттері мен таланттарын жоғары деңгейде көрсетті. «Наурыз көженің 7 ингредиентін тап» атты фотобайқау ерекше әрі қызықты өтті. Жеңімпаздар — 6 «А», 6 «Б» және 10 «А» сынып оқушылары.
Іс-шараның қорытынды кезеңі «Халықтар асханасы» атты таныстырылым болды. Әр параллель түрлі халықтардың ұлттық тағамдарын ұсынып, қатысушылар жоғары дайындық деңгейін, креативтілікті және әлем халықтарының дәстүрлеріне деген құрметін көрсетті. Байқау қорытындысы бойынша жүлделі орындар келесідей бөлінді: 1-орын — 10-сыныптар; 2-орын — 9-сыныптар; 3-орын — 5-сыныптар.
Іс-шара достық, бірлік және өзара құрмет атмосферасында өтіп, оқушылар арасында патриотизм, мәдени әртүрлілік және командалық өзара әрекеттестік құндылықтарын қалыптастыруға ықпал етті.
