Мета-пәндік әмбебап білім беру қызметінің ішінде оқу және ақпаратпен жұмыс ерекше орын алады.
27 ақпан күні 3 «В» сыныбында әдебиеттік оқудан ашық сабақ өтті. Зимұхан Айсұлу Серікқызы бастауыш сынып оқушыларының оқу сауаттылығын дамыту мақсатында мәтінмен жұмыстың үш кезеңін қамтитын мағыналық оқу технологиясын пайдаланды.
I кезең. Оқымас бұрын мәтінмен жұмыс (мәтінге дейінгі әрекет).
Білімді пысықтау, сабақтың мақсатын қою, сөздік жұмысын жүргізу, автор туралы қосымша мәлімет беру, жаңа білім алу (болжау), сабақ тақырыбы бойынша жұмбақтарды табу, әңгіменің тақырыбынан оның жазылу мақсатын болжау, яғни, автордың ойын тану – бұл кезеңнің мақсаттары.
II кезең. Оқу барысында мәтінмен жұмыс. Аралас оқу (оқылым – тыңдалым – жеке оқушылардың дауыстап оқуы). Мәтінді алғаш қалай қабылдаулары бойынша әңгімелесу. «Қатені табу» әдістемесі түсініп оқуға ықпал етеді.
III кезең. Оқып болған соң мәтінмен жұмыс. Мәтін мазмұнын меңгеру мен түсінуді тексеру (жанр, түрі, негізгі ойы, ашық сұрақтарға жауаптар, дұрыс және жалған тұжырымдар, себеп-салдар байланысын орнату) бойынша жұмыс. Мұғалім әртүрлі әдістерді қолданды: түсіндірмелі және иллюстративті, онда оқушылар мұғалімнің әңгімесінен, оқу әдебиетінен, оқу құралдары мен техникалық оқу құралдары арқылы білім алады; себеп-салдар байланысын орнатуда материалды проблемалық тұста баяндау әдісі;
Топта өтілген материалды түсінгенін тексеру.
Топтар өздеріне берілген түстен алмаларды жинады (орындалған тапсырмалар үшін ұпай белгісі), нәтижесінде керемет көп түсті табысты жеміс ағашы болды.
