28 қаңтар күні 3 «А» сыныбында «Зат есімдердің жекеше және көпше түрлері. Зат есімдердің грамматикалық тегі» тақырыбында орыс тілі пәнінен ашық сабақ өтті. Сабақтың мақсаты – зат есімдерді санға қарай өзгерту дағдыларын бекіту және олардың грамматикалық тегі туралы білімді қайталау.
«Музыка – жанның тілі» лексикалық тақырыбы орыс тілін өнер әлемімен ұштастырып, сабақты қызықты әрі мазмұнды етуге мүмкіндік берді. Оқушылар «әлемдік композиторлардан» берілген шығармашылық тапсырмаларды орындап, бұл олардың танымдық белсенділігі мен оқу үдерісіне қызығушылығын арттырды. Сабақ барысында оқушылар жеке жетістіктер плейлисттерін толтыру арқылы өз жұмыстарына баға беріп отырды.
Сабақтың қорытындысы ерекше есте қалды: оқушылар зат есім туралы ережені толықтырды, ал мұғалім алынған мәтінді әнге айналдырды. Мұндай жұмыс түрі өтілген оқу материалын тиімді әрі тартымды түрде терең бекітуге мүмкіндік берді.
Ашық сабақ оқушылардың орыс тілін оқуға деген қызығушылығын, алған білімдерін практикада қолдана алуын және оқуға деген оң мотивациясын көрсетті.
