Бүгін мектеп жанындағы лагерьде балаларды қызықты әрі мазмұнды күн күтті.
Таңертеңгілік уақыт көңілді жаттығудан басталды. Ол балалардың сергіп, белсенді күнге дайындалуына және көтеріңкі көңіл күй сыйлауына көмектесті. Таңғы астан кейін оқушылар ағылшын және қазақ тілі үйірмелеріне қатысты. Сабақтар ойын түрінде ұйымдастырылғандықтан, балалар тапсырмаларды қызығушылықпен орындап, бір-бірімен қарым-қатынас жасап, жаңа мәліметтермен танысты. Күннің ең көп күткен оқиғасы – «Киндервиль» балалар ойын алаңына саяхат болды. Балалар көңілді ойындар ойнап, достарымен уақыттарын қызықты өткізіп, көптеген жағымды эмоцияларға бөленді. Түскі астан кейін балалар информатика сабағына қатысты. Олар компьютердің жаңа мүмкіндіктерімен танысып, қызықты тапсырмалар орындады. Күн спорттық ойындармен аяқталды. Балалар ептіліктерін, жылдамдықтарын және топпен жұмыс істей білу дағдыларын көрсетті.
Күн көңілді әрі пайдалы өтіп, баршаға жақсы көңіл күй сыйлады. Алда бізді жаңа кездесулер, тың жаңалықтар мен қызықты оқиғалар күтіп тұр!
