Біздің лагерьдегі күніміз көңілді таңғы жаттығудан басталды. Балалар сергектік пен көтеріңкі көңіл күйге бөленді. Дәмді таңғы астан кейін олар сабақтарға аттанды.
Психологпен кездесуде балалар достасуды, бір-бірімен қарым-қатынас жасауды және өзара көмектесуді үйренді. Музыка сабағында балалар өздерінің сүйікті жасақ әндерін қайталап, жаз мезгілі туралы жаңа ән үйренді.
Театрға бару біздің лагерьдің жақсы дәстүріне айналды. Бүгін балалар «Білмесбек және оның достары» спектаклін тамашалады. Олар кейіпкерлердің қызықты оқиғаларын сүйсіне бақылап, әртістердің өнерінен мол әсер алды.
Түскі астан және тынығудан кейін би батлы өтті. Бірінші және екінші жасақтың қатысушылары өздерінің флешмобтарын көрсетіп, баршаға көтеріңкі көңіл күй сыйлады. Барлығы тамаша өнер көрсеткендіктен, достық жеңіске жетті!
Күннің соңында балалар тәтті сыйлықтарға ие болды. Бұл күн қызықты, көңілді өтіп, балаларға көптеген қуанышты эмоциялар сыйлады
