Менің қызым «Тұран» лицейінде 8-сыныптан бастап оқып, биыл 11-сыныпты аяқтады. Мектепті пікірлерге сүйене отырып таңдадық және бұл шешімімізге бір сәт те өкінген емеспіз.
Мектептің өзіне қысқаша тоқталсам: екі қабатты шағын ғимарат, күтімі жақсы жасыл аула, футбол алаңы, жайлы кабинеттер, асхана бар. Қауіпсіздік жағынан бұл мектепке тең келері жоқ дер едім. Кездейсоқ адамдардың мектеп аумағына кіруі мүмкін емес, ал балаларға сабақ уақытында мұғалім мен ата-ананың рұқсатынсыз мектептен шығуға болмайды. Территориясы толық қоршалған, ал күзет қызметкерлері өз міндеттерін адал атқарады. Мектепте медпункт бар, онда балаларға әрқашан медбике көмек көрсетеді.
Ең бастысы «Тұран» лицейінде мықты ұстаздар құрамы бар. Оқушылар сапалы білім алып қана қоймай, тәрбие де көреді.
Оқудан тыс түрлі іс-шаралар, экскурсиялар және «Тау Туран» лагеріне сапарлар ұйымдастырылады.
Өз пікірімді қорытындылай келе, сынып жетекшісі, орыс тілі мен әдебиеті пәнінің мұғалімі Соловьева В.В., қазақ тілі пәнінің мұғалімі Ермуханова З.А., тарих пәнінің мұғалімі Жеңісқызы А.Ж., математика пәнінің мұғалімі Исакова Е.А., география пәнінің мұғалімі Тютенова А.Б. және басқа да көптеген ұстаздарға зор алғысымды білдіремін.
Мектеп әкімшілігіне, атап айтқанда, директор Исламгулова С.К. ерекше алғыс айтамын.
Мектеп іздеп жүрген ата-аналарға «Тұран» лицейін таңдауды шын жүректен ұсынамын.