«Радуга» мектеп жанындағы лагерінің үшінші күні ерекше жарқын әрі қуанышты өтті, себебі бұл күн Балаларды қорғау күніне арналды.
Таңертең балалар көтеріңкі көңіл күймен және жағымды тосынсыйлармен қарсы алды. Таңғы жаттығу мен таңғы астан кейін оқушылар ағылшын тілін ана тілі ретінде меңгерген маманмен ауызекі сөйлеу сабағына қатысты. Балалар әңгімеге қызығушылықпен қатысып, жаңа сөздер мен сөз тіркестерін үйренді, қарым-қатынас жасау дағдыларын жетілдіріп, берілген тапсырмаларды зор ықыласпен орындады. Одан кейін лагерь тәрбиеленушілері серуендеу үшін саябаққа барды. Таза ауада балалар ойнап, достарымен әңгімелесіп, шуақты жаз күнінің рақатын сезінді. Уақыт қызықты әрі көңілді өтіп, көптеген жағымды әсерлер сыйлады. Дәмді түскі ас пен тынығу уақытынан кейін балаларды тағы бір жағымды тосынсый – сүйікті балмұздақтары күтті. Мерекелік күннің қорытындысы көңілді дискотекамен аяқталды. Сүйікті әуендер шырқалып, балалар би билеп, түрлі ойындарға қатысып, бір-біріне көтеріңкі көңіл күй сыйлады.
Бұл күн лагерь қатысушыларына қуаныш, жақсы көңіл күй және жарқын әсерлер сыйлады. «Радугадағы» жазғы демалыс жалғасуда, ал алда балаларды әлі де көптеген қызықты оқиғалар мен танымдық жаңалықтар күтіп тұр!
