22 қарашада «Тұран» лицейі» мектебінің психологтары Halyk банкінің жеке блок директорының орынбасары Дәурен Испалиновты оқушылармен кездесуге шақырды. Ол банк жұмысы мамандығының неге тартымды екенін айтты: банкте жұмыс істеу өзін-өзі жүзеге асыруға, шығармашылық қабілеттерін пайдалануға, отбасын қамтамасыз етуге және өмірде табысты болуға мүмкіндік береді.
«Ең бастысы – өз қызметінде нәтижеге қол жеткізу», – деп мектеп қонағы оқушылармен кездесуді аяқтады.
Мамандықты дұрыс таңдау өмірдегі көптеген қателіктерден аулақ болуға көмектеседі және жоғары оқу орнын таңдау кезінде уақытты үнемдейді. Мектеп психологтары оқушылардың өзін-өзі анықтауына көмектесу үшін кәсіби мамандармен үнемі кездесулер өткізеді.
