2026 жылғы 6 қаңтарда «Тұран Лицейі» мектебінде педагогтер мен ұзартылған күн тобының (ҰКТ) тәрбиешілеріне арналған «Мектеп үдерісін ұйымдастыруға арналған инновациялық цифрлық шешімдер» тақырыбында әдістемелік семинар өтті. Іс-шараны ұйымдастырып, жүргізген ҰКТ тәрбиешілері Ануарова Н.А. және Серік Б.Қ. болды.
Семинарға қатысушылар оқушылардың оқу мотивациясы мен белсенділігін арттыруға бағытталған заманауи цифрлық білім беру ресурстарымен, платформалармен және интерактивті сервистермен танысты. Технологияларды саналы түрде қолдану және оларды дәстүрлі оқыту әдістерімен үйлесімді біріктіру мәселесіне ерекше назар аударылды.
Семинардың практикалық бөлімі интерактивті форматта өтті: педагогтер смартфондарды пайдалана отырып тапсырмалар орындап, цифрлық сауалнамаларға қатысты. Бұл оларға цифрлық құралдардың тиімділігін оқушылардың көзқарасы тұрғысынан бағалауға мүмкіндік берді. Талқылау барысында педагогтер ұсынылған шешімдерді мектеп тәжірибесінде қолдану бойынша өзара тәжірибе және идеялармен алмасты.
Семинар соңында өткізілген рефлексия кезінде қатысушылар оның практикалық маңыздылығын атап өтіп, алған білімдерін кәсіби қызметінде қолдануға дайын екендіктерін білдірді.
Аталған іс-шара педагогтердің цифрлық мәдениетін дамытуға және кәсіби ынтымақтастығын нығайтуға бағытталған маңызды қадам болды.
