Сурет пәнінің кабинетінен әрдайым ерекше бір атмосфера сезіледі. Мұнда ақырын естілетін ыбыр-сыбыр дауыстар, газет түтіктерінің сыбдыры, жаңа ағаш пен ыстық күйдіргіштің иісі сезіледі. Мұнда әрбір оқушы өзін нағыз шебер сезіне алады, өйткені тәжірибелі ұстаздардың жетекшілігімен өз қолымен жасалған таңғажайып дүниелер туындайды.
Сондай сабақтардың бірінде балалар әдеттегі газеттерден себет тоқуда ерекше қызығушылықпен айналысып жатыр. Қарапайым қағаз сияқты көрінгенімен, шебердің қолында ол әдемі әрі мықты бұйымға айналады. Әр қадам ұқыптылық пен шыдамдылықты талап етеді: түтікті орап, жапсырып, бояп, бір қатарда мұқият тоқу қажет. Бұл процессте балалар тек шеберлікті ғана емес, сондай-ақ зейін қою мен зерделілікке үйреніп, шығармашылықтан шынайы ләззат алады.
Басқа үстелдерде балалар ағашқа күйдіру арқылы сурет жасап жатыр. Біртіндеп тегіс тақтайшада сурет пайда болады: бірде гүлдер, бірде ұлттық өрнектер, бірде табиғат көрінісін көре аламыз. Әрбір сызық – бұл терең шоғырлану мен шабыттың нәтижесі. Күйдіргіштің нәзік ұшымен суретке жан бітіп жатқанда оқушылардың көздерінен қуаныш пен мақтанышты көруге болады.
Ұстаздар Омарова Ляззат Сембаевна мен Абдыкалыков Болат Асетович әрдайым оқушылардың жанында. Олар балаларға кеңес береді, көмектеседі, шабыттандырады. «Қорықпау керек, керісінше, тәжірибе жасап көрген дұрыс. Әркімнің жұмысы өзінше ерекше шығады. Бұл деген тамаша ғой!», – дейді Ляззат Сембаевна, оқушыға себеттің шетін бекітуге көмектесіп. «Балалар әрбір жұмысқа жанын салады. Нәтижені көргенде олардың көздері жарқырайды. Сол үшін біз жұмыс істейміз», – деп қосады Болат Асетович.
Мұндай сабақтар тек еңбекті ғана үйретпейді. Олар әсемдік сезімін дамытады, қиялын кеңейтеді, өзіне сенімділікті арттырады. Сонымен қатар балаларға шығармашылық әркімде бар екенін, тек өзіңе мүмкіндік беріп көру керек екенін түсінуге көмектеседі.
Әрбір себет, әрбір күйдірілген тақтайша – жай ғана бұйым емес. Бұл еңбек, шыдамдылық пен шабыттың сиқыр жасауға қабілетті екенін дәлелдейтін кішкентай куәлік.
