18 қазан күні «Туран» лицейінде «Ойын және жобалық технологиялар – оқушылардың мотивациясын арттыру құралы» тақырыбында оқыту семинары өтті.
Семинарды мұғалімдер Н.В. Байдер, Е.П. Розова және А.Б. Машан әзірлеп, жүргізді.
Іс-шара барысында спикерлер заманауи білім беру процесіндегі ойын және жобалық технологиялардың маңызы мен оларды қолданудағы мұғалімнің шешуші рөлі туралы жан-жақты баяндады. Мұғалім бұл жағдайда тек білім көзі ғана емес, оқушылармен бірлескен іс-әрекеттегі ұйымдастырушы, тәлімгер және серіктес рөлін атқаратыны атап өтілді. Ұстаз әрбір баланың бастамашылдығын, шығармашылығын, дербестігін және оқуға деген шынайы қызығушылығын дамытуға мүмкіндік беретін жағдай жасайды.
Семинардың теориялық бөлімінен кейін қатысушылар практикалық ойын жаттығуларына белсенді қатысты. Нақты мысалдар арқылы педагогтар аталған технологияларды қолданудың қаншалықты тиімді екенін, олардың танымдық белсенділікті арттыруға, коммуникативтік дағдыларды қалыптастыруға және ең бастысы — оқушылардың оқу мотивациясын көтеруге зор ықпал ететінін айқын байқады.
