2024 жылдың 19 желтоқсанында «Тұран» лицейі» мектебінің математика пәні мұғалімі Айдан Б.Н. 5 «А» сыныбында «Жәй бөлшектер мен аралас сандарды бөлу» тақырыбында ашық сабақ өткізді.
Сабақтың мақсаты оқушылардың бөлшектерді бөлу туралы білімдерін бекіту, есептерді шешу үшін алгоритмдерді қолдануға үйрету және оқушылардың математикалық мысалдарды өз бетінше және топтық талдау дағдыларын дамыту болды.
Білімді ауызша бекіту үшін «Найзағай», «Бөлшектермен саяхаттау» жұптық жұмысы, сондай-ақ практикалық дағдыларды дамытуға бағытталған жеке тапсырмалар сияқты оқытудың әртүрлі әдіс-тәсілдері қолданылды. Шынайы өмірдегі жағдайларға байланысты міндеттерге ерекше назар аударылды, бұл оқушылардың қызығушылығын арттыруға және сабақтың барлық кезеңдеріне белсенді қатысуға ықпал етті.
Оқушылар қойылған міндеттерді өз бетінше орындап, жеке және жұппен жұмыс жасай отырып, материалды толық меңгергендіктерін көрсетті. Сабақ оқушылардың үлкен қызығушылығын арттырып, олардың білімін нығайтуға және математикалық ойлауды дамытуға ықпал етті.
