Алматы қаласы Білім берудегі жаңа технологиялардың қалалық ғылыми әдістемелік орталығы «Education First» білім беру компаниясымен бірлесіп Алматы қаласы ББ медиа жоспарына сәйкес «Spelling Bee» халықаралық байқауын өткізді.
Бұл байқауға еліміздің 3000 оқушысы қатысты. Іріктеу қорытындысы бойынша Алматы қаласы бойынша 8-9 сыныптардың 21 оқушысы финалға өтті.
2024 жылдың 19 желтоқсанында іріктеуден өткендер Elementary-ден Advanced-ке дейінгі әр түрлі деңгейдегі сөздерді түсініп айтуда 2 сағат бойы өз білімдерін көрсетті.
«Тұран» лицейінің оқушылары Михальченкова Юлия, Қасымов Дияр және Николаев Илья осы қиын жекпе-жекке қатысып, онда жалғыз қате айтылған әріп жеңіске жету жолында үлкен маңызға ие болды.
Нәтижесінде, ең көп ұпай жинаған және бас жүлдені жеңіп алған 9 «В» сынып оқушысы Қасымов Дияр жеңіске жетті әрі Англияға екі апта бойы курстық оқуға жолдама алды.
Қызықты конкурстың барлық қатысушыларын құттықтаймыз және мақсаттарға жетуде табыс тілейміз! Жетекші мұғалімдері – М.К. Ахметова мен Штефан О.В. балаларды конкурсқа сапалы дайындағаны үшін ерекше алғысымызды білдіргіміз келеді.
