Мен 1984 жылы Орал педагогикалық училищесін бастауыш сынып мұғалімі мамандығы бойынша бітірдім.
Мен өз өмірімде нені мақтан тұтамын? Менің басты мақтанышым – өмірге жол ашқан өз балаларым. Мен өз түлектерімді мақтан тұтамын, өйткені олар адал, еңбекқор болып өсті.
Ұстазым болған жандарға алғысым шексіз. Олар керемет адамдар еді. Мен оларға мамандық таңдауыма әсер еткені үшін қарыздармын. Маған өмір сыйлаған ата-анама алғысым шексіз, тынбай еңбек етіп, әрқашан мақсатқа жетуді үйретті. Менің өмір жолымда кездескен жандарға алғысым шексіз. Олардың әрқайсысы менің өміріме әсер етті, әр жағдай маған сабақ болды.
Педагогикалық жолымда көмек көрсетуден бас тартпаған және мені жаңа жетістіктерге шабыттандырған адал және тамаша адамдарды кездестіргенім үшін тағдырға алғыс айтамын.
Шәкірттерімнен жаңа нәрселерді білуге, жан дүниемде қартаймай өмір сүруге үйренемін.
Жұмыстан кейін әдетте үйде немеремді күтумен, онымен серуендеумен айналысамын. Мен тауға шыққанды, табиғат аясында демалғанды ұнатамын. Мен кітап оқығанды жақсы көремін.
Болашақтың мінсіз мектебі – балалардың алған білімдерін іс жүзінде жүзеге асыруға мүмкіндігі бар, мұғалімдер қағаз және электронды құжаттарды толтырудан құтылған мектеп. Балалар мен мұғалімдер өмірден ләззат алып, бақытты болуы керек. Мектептегі әрбір күн ерекше болуы керек.