10 қазан күні бастауыш сыныптардың Парады аяқталған соң, 1–9-сынып оқушылары пән мұғалімдері ұйымдастырған қызықты ойын станцияларына белсене қатысты.
Мектеп аумағында оқушыларды түрлі тапсырмалар мен сайыстар күтіп тұрды – зияткерлік викториналардан бастап, қимылды ойындарға дейін. Мұғалімдер математика, қазақ тілі, тарих, ағылшын тілі, физика, психология және басқа да пәндер бойынша тақырыптық станциялар дайындады.
Әрбір қатысушы өз білімін, тапқырлығын және командалық рухын көрсетуге мүмкіндік алды. Күн көңілді, белсенді және танымдық түрде өтті, оқушыларға жарқын әсер мен жақсы көңіл күй сыйлады.
