Қысқы лагерьдің екінші күні зымырап өте шықты және кішкентай достарымызға мол қуаныш пен жарқын әсер сыйлады. Таң мектеп асханасындағы дәмді таңғы астан басталды. Балалар өз жоспарларымен қуана бөлісіп, алдағы қызықты сәттерді асыға күтті.
Одан кейін балаларды әуенге толы көңілді сәттер күтіп тұрды: олар сүйікті әндерін айтып, балаларға арналған музыкалық аспаптарда ойнап көрді. Музыкалық сағаттан соң киносеанс ұйымдастырылды. Балалар көңілді мультфильм көріп, шаттанып, көп күлді.
Эмоционалдық интеллектіні дамытуға ерекше назар аударылды. Психологпен өткен сабақта балалар өз сезімдерін білдіруді және құрдастарымен тіл табысуды үйренді. Ал сурет сабағында жас суретшілер қиялдарына ерік беріп, жарқын шығармашылық жұмыстар жасады. Түстен кейін балаларды асыға күткен таза ауадағы серуен болды: белсенді ойындар, қар атысу және шат күлкі. Күн қызығушылыққа сай ұйымдастырылған үйірме сабақтарымен аяқталды. Балалар ермексаздан мүсін жасап, құрастырып, үстел ойындарын ойнап, уақыттарын пайдалы әрі қызықты өткізді.
«Тұран Лицейі» мектебінің қысқы лагерінің екінші күні қуанышқа, шығармашылыққа және достыққа толы болды. Алда болатын жаңа кездесулер мен жарқын оқиғаларды асыға күтеміз!
