18 маусым күні мектеп жанындағы «Радуга» лагерінде күн таза ауадағы сергек таңғы жаттығумен басталды. Таңғы астан кейін балалар Ганди атындағы саябаққа барып, табиғат аясында серуендеп, ойнап, естелікке суретке түсті.
Лагерьде оларды психология сабағы күтіп тұрды. Балалар достық ұғымын, мейірімділік туралы ойларын талқылап, одан кейін қазақ тілі пәні бойынша көңілді ойынға қатысты.
Түскі астан кейін барлығы асыға күткен жарқын әрі қызықты Нептун күні өтті. Тіпті тәрбиешілердің өздері де бұл шаттыққа қосылды. Бұл күн балаларға қуаныш пен жылы естеліктерге толы сәттерді сыйлады.
