«Абай әлемі» атты мерекелік концерт

2025 жылдың 28 қарашасында қазақ тілі кафедрасының апталығының аяқталуына орай ұлы ақынның 180 жылдығына арналған «Абай әлемі» атты мерекелік концерт өтті. Іс-шараның мақсаты – оқушыларды Абай Құнанбайұлының өмірі мен шығармашылығымен таныстыру еді.
Көрермендер ақынның мол мұрасын музыка арқылы сезінетін рухани сапарға шықты. «Көзімнің қарасы», «Қараңғы түнде тау қалғып», «Бойы бұлғаң» атты белгілі әндер орындалды. Сахнада табиғат сұлулығын жырлаған, Абайдың қазақ әдебиетіндегі жаңашыл ойларын жеткізетін өлеңдер оқылды.
Ерекше қызығушылық тудырған қойылымда ақынның балалықтан  даналыққа  өткен кезеңі көрсетілді. Оқушылар Абайдың отбасы құндылықтарын бейнелейтін көріністермен қатар, оның 17-ші қара сөзінің мазмұнын да сахналады.
Концерт танымдық викторинамен аяқталды, онда қатысушылар ақынның өмірі мен шығармашылығы жөніндегі білімдерін көрсете алды.
Іс-шара жоғары деңгейде өтті. Қазақ тілі кафедрасының мұғалімдері концертті дайындап, ұйымдастырғаны үшін шынайы алғыс білдіреміз.