20 ақпан күні дене шынықтыру пәнінің мұғалімі Уразова Л.Н. 5 «А» сынып оқушыларымен ашық сабақ өткізді.
Сабақ педагогтің «Оқушыларды жобалық қызметке тарту арқылы креативті ойлауын қалыптастыру» атты өзіндік білім жетілдіру тақырыбы аясында ұйымдастырылды. Сабақтың тақырыбы — «Ойын арқылы мәселелерді шешудің негізгі дағдыларын қалыптастыру».
Кезекшінің рапортынан және амандасудан кейін оқушыларға сабақтың мақсатын өздері анықтау, сондай-ақ дене жаттығуларын орындау барысында ағзада қандай өзгерістер болатынын зерттеп, түсіндіру тапсырылды. Осы мақсатта оқушылар сабақ бойы тамыр соғу жиілігін бақылап, пульсометрия көрсеткіштері бойынша график құрды.
Тапсырмалар әртүрлі әрі ойын түрінде ұйымдастырылды. Әр команда ортақ нәтижеге жұмыс істеп, өз әрекеттерінің тактикасын талқылады, жіберілген қателіктерді саралап, бірлескен шешімдер қабылдады. Жұмыс барысында оқушылар ұйымшылдық танытып, жоғары белсенділік көрсетіп, жақсы нәтижелерге қол жеткізді.
Сабақ соңында оқушылар пульсометрия нәтижелерін және оның маңызын талқылады. Өткізілген сабақ оқушылардың креативті ойлауын, қарым-қатынас дағдыларын дамытуға, әр оқушының жеке тұлғалық қасиеттерін қалыптастыруға, сондай-ақ сынып ұжымының бірлігін нығайтуға ықпал етті.
