26 ақпанда 2 «В» сыныбында «Ұлттық баскиімдер» тақырыбында қазақ тілі пәнінен ашық сабақ өтті. Сабақты қазақ тілі мұғалімі Әлібекова Мадина Азимқызы жүргізді.
Сабақтың құрылымы мазмұны мен қойылған мақсаттарына толық сай болды. Алғашқы минуттардан бастап педагог оқушыларды зерттеуге және тақырыпты саналы түрде меңгеруге бағыттап, жұмысқа деген тұрақты қызығушылықтарын қалыптастырды. Әлеуметтік өзара әрекет дағдыларын дамытуға ерекше көңіл бөлінді: жұптық жұмыс барысында әрбір оқушы өз білімін көрсетіп, талқылауға белсенді қатысты.
Сабақта сыни ойлау элементтері тиімді қолданылды. Оқушылар өз бетінше қорытынды жасап, оқу мақсаттарын айқындап, оларға жету жолдарын анықтады. Практикалық жұмыс барысында оқушылар ұлттық баскиімдер — тақия мен сәукелені өз қолдарымен жасап, бұл тақырыпты тереңірек түсінуге және шығармашылық қабілеттерін дамытуға мүмкіндік алды. Тест тапсырмаларын талдау кезінде оқушылар ашық сұрақтарға сенімді жауап берді.
Сабақ барысында Canva және Wordwall онлайн-платформалары белсенді қолданылып, олар оқушыларға грамматикалық тапсырмаларды жылдам орындауға және өзара тексеру жүргізуге көмектесті. Сабақ соңында Gynzy платформасында рефлексия ұйымдастырылып, әр оқушы өз нәтижесін бағалауға мүмкіндік алды.
Сабақ жағымды, достық ахуалда өтті. Мұғалімнің сыпайы қарым-қатынасы, жағымды эмоционалдық көңіл күйі және оқушыларды әртүрлі жұмыс түрлеріне тартуы тиімді кері байланыс орнатуға және өзара құрметке негізделген оқу ынтымақтастығын қалыптастыруға ықпал етті
