24 қазан күні «Туран лицейінде» бастауыш сынып оқушыларымен танымдық кездесу өтті.
Іс-шараның мақсаты — оқушылардың денсаулық пен қауіпсіздікке саналы көзқарасын қалыптастыру, сондай-ақ мектепте, үйде және көлікте болатын жарақаттарды алдын алу болды.
Кездесуді педиатр-дәрігер Либенко В.Н. өткізді. Ол түрлі-түсті слайдтар мен интерактивті форматты пайдаланып, кездесуді қызықты әрі түсінікті етті. Кездесу барысында жарақаттардың себептері мен түрлері егжей-тегжейлі түсіндіріліп, жарақат пен маусымдық аурулардың алдын алу шаралары қарастырылды.
Балалар мектеп пен тұрмыстағы жарақаттардың алдын алу тақырыбында белсенді түрде пікір алмасты. Көпшілігі қауіп-қатер көздерін дұрыс анықтап, қажетті іс-әрекет алгоритмдерін ұсына алды.
Оқушылардың қауіпсіздік туралы базалық білім деңгейі жақсы екені байқалды, ал бұл кездесу барысында олар білімдерін жүйелеп, бекіте түсті.
